ചാവക്കാട്: ചാവക്കാട് എം.ആർ രാമൻ മെമ്മോറിയൽ ഹൈസ്കൂൾ പൂർവ്വ വിദ്യാർത്ഥി കൂട്ടായ്മയായ ക്ലാസ്മേറ്റ്സ് 84-85 ഗ്രൂപ്പ് സൗഹൃദ സംഗമം നടത്തി. ഗുരുവായൂർ ഫ്രീഡം ഹാളിൽ നടന്ന പ്രൗഢമായ ചടങ്ങ് എൻ.കെ അക്ബർ എം.എൽ.എ ഉദ്ഘാടനം ചെയ്തു. തന്റെ ആധുനിക മലയാള സൂഫി എന്ന കവിതകളുടെ സമാഹാരം എഴുതിയ കവിയും എഴുത്തുകാരനുമായ സഹപാഠി ഷാജഹാൻ ഒരുമനയൂരിനെ എൻ.കെ അക്ബർ എം.എൽ.എ പൊന്നാട അണിയിച്ചു ആദരിച്ചു. സഹപാഠികളായ തോമസ് ജി കോന്നിക്കരയ്ക്ക് മികച്ച കർഷകോത്വമക്കും ഷക്കീല അഷറഫിന് മികച്ച പാചക റാണിക്കുമുള്ള ക്ലാസ്മേറ്റ്സ് ഗ്രൂപ്പ് അവാർഡും ക്യാഷ് പ്രൈസും സമ്മാനിച്ചു. ജവഹർ കാരക്കാട് അധ്യക്ഷത വഹിച്ചു. എബി ഷക്കീല സ്വാഗതം പറഞ്ഞു. കവി ഷാജഹാൻ ഒരുമനയൂർ മുഖ്യപ്രഭാഷണം നടത്തി. 84-85 ബാച്ച് സഹപാഠികളായ അർജുൻ, വിജയൻ, ജബ്ബാർ, റസിയ, അസ്കർ, മനോജ് ടി ബാലൻ, ഡോക്ടർ ഗിരീഷ് എന്നിവർ സംസാരിച്ചു. വിവിധ കലാപരിപാടികളും അരങ്ങേറി.
