ചാവക്കാട്: കൺസോൾ നവവത്സര സാന്ത്വന സംഗമം എഴുത്തുകാരനും ക്രൈം ബ്രാഞ്ച് ഡി.വൈ.എസ്.പിയുമായ സുരേന്ദ്രൻ മങ്ങാട് ഉദ്ഘാടനം ചെയ്തു. ഡയാലിസിസ് കൂപ്പൺ വിതരണവും ഇതോടൊപ്പം നടന്നു. കൺസോൾ മെഡിക്കൽ ചാരിറ്റബിൾ ട്രസ്റ്റ്‌ പ്രസിഡന്റ് ജമാൽ താമരത്ത് അധ്യക്ഷത വഹിച്ചു. ഗായകൻ യൂനസ് ബാവ മുഖ്യാതിഥിയായി. ശരീഫ് കായൽകടവ്, എ.കെ.പി.എ മേഖല ട്രഷറർ ഷബീർ ശോഭ, കൺസോൾ മുൻ പ്രസിഡണ്ട് വി.എം സുകുമാരൻ തുടങ്ങിയവർ സംസാരിച്ചു. വൈസ് പ്രസിഡണ്ട് ഹക്കീം ഇമ്പാർക്ക് സ്വാഗതവും സി.എം ജനീഷ് നന്ദിയും പറഞ്ഞു. തുടർന്ന് ചാവക്കാട് സിംഗേഴ്സ് അവതരിപ്പിച്ച ഗാനമേളയും ഉണ്ടായി. ട്രസ്റ്റിമാരായ പി.വി അബ്ദു, എം.കെ നൗഷാദ് അലി, സ്റ്റാഫ് അംഗങ്ങളായ സൈനബ, സൗജത്ത് നിയാസ്, റമീസ് എന്നിവർ നേതൃത്വം നൽകി.
