ഒരുമനയൂർ: ഒരുമനയൂർ പഞ്ചായത്തിലെ തെങ്ങ് കർഷകർക്ക് തെങ്ങ് കൃഷി വികസന പദ്ധതിയിൽ ഉൾപ്പെടുത്തി ജൈവ വളവും കുമ്മായവും വിതരണം ചെയ്തു. പഞ്ചായത്ത്‌ പ്രസിഡന്റ്‌ വിജിത സന്തോഷ്‌ ഉദ്ഘാടനം നിർവഹിച്ചു. ഒരുമനയൂർ ഗ്രാമ പഞ്ചായത്ത്‌ വികസന സ്റ്റാന്റിംഗ് കമ്മിറ്റി ചെയർപേഴ്സൺ കയ്യുമ്മ ടീച്ചർ അധ്യക്ഷത വഹിച്ചു. കൃഷി ഓഫീസർ എമിലി സ്വാഗതം പറഞ്ഞു. ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ കെ.വി രവീന്ദ്രൻ, ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ ഫിലോമിന ടീച്ചർ, വാർഡ് മെമ്പർമാരായ കെ.ജെ ചാക്കോ, ആരിഫ, നഷ്റ, സിന്ധു, കൃഷി അസിസ്റ്റന്റ് മാരായ ജയൻ, സിമി എന്നിവർ പങ്കെടുത്തു.
