കുന്നംകുളം: പഴഞ്ഞി ഗവ. വൊക്കേഷണൽ ഹയർ സെക്കൻഡറി സ്കൂളിലെ ഫിലിം ക്ലബ്ബിന്റെ നേതൃത്വത്തിൽ സിനിമാ പ്രദർശനവും അഭിനയ ശില്പശാലയും ചിത്രജാലകം എന്ന പേരിൽ സംഘടിപ്പിച്ചു. പ്രമുഖ തിരക്കഥാകൃത്ത് റഫീഖ് പട്ടേരി ഉദ്ഘാടനം ചെയ്തു.മുൻ പി ടി എ പ്രസിഡൻ്റ് പി.എം അലി അധ്യക്ഷത വഹിച്ചു. ദൃശ്യ മാധ്യമ പ്രവർത്തകൻ പ്രദീപ് നാരായണൻ ശില്പശാലക്ക് നേതൃത്വം നൽകി. സ്കൂൾ അധ്യാപകൻ പി.കെ അബൂബക്കർ സ്വാഗതവും അധ്യാപിക അഫ്സ നന്ദിയും പറഞ്ഞു. വിദ്യാർത്ഥികളിൽ സർഗ്ഗാത്മകമായ കഴിവുകളെ കണ്ടെത്തുകയും അവ പരിപോഷിപ്പിക്കുകയും ചെയ്യുക എന്ന ഉദ്ദേശത്തോടെ നടത്തുന്ന ചിത്രജാലകം പരിപാടിയിൽ നൂറോളം വിദ്യാർഥികൾ പങ്കെടുത്തു. വിദ്യാർത്ഥികളെ ഉൾപ്പെടുത്തി ഷോർട്ട് ഫിലിം നിർമ്മിക്കുവാനും ശില്പ ശാല തീരുമാനിച്ചു.
ചാവക്കാട് ഉപജില്ലാ സ്കൂൾ കലോത്സവം
