തൃശൂർ: കൊളത്തൂരിൽ ശബരിമല തീർത്ഥാടകർ സഞ്ചരിച്ച ബസ്സിനു പുറകിൽ കെ.എസ്.ആർ.ടി.സി ബസ് ഇടിച്ച് അപകടം. കെ.എസ്.ആർ.ടി.സി ബസിലെ ഏതാനും യാത്രക്കാർക്ക് നിസാര പരിക്കേറ്റു. ഇവർ കൊടകരയിലെ സ്വകാര്യ ആശുപത്രിയിൽ ചികിത്സതേടി. ഇന്ന് രാവിലെ 11.30 ഓടെയായിരുന്നു അപകടം. തൃശ്ശൂരിൽ നിന്ന് അടൂരിലേക്ക് പോയ കെ.എസ്.ആർ.ടി.സി ഫാസ്റ്റ് പാസഞ്ചർ ബസ്സാണ് മുന്നിൽ പോയിരുന്ന ശബരിമല തീർത്ഥാടകർ സഞ്ചരിച്ച മിനി ബസ്സിന് പുറകിൽ ഇടിച്ചത്. ശബരിമല തീർത്ഥാടകർ സഞ്ചരിച്ചിരുന്ന ബസ് പെട്ടെന്ന് ബ്രേക്കിട്ടതാണ് അപകടത്തിന് കാരണമെന്ന് പറയുന്നു. കൊടകര പോലീസ് സ്ഥലത്തെത്തി.
