പാവറട്ടി: വെന്മേനാട് മരുതയൂരിൽ ബൈക്കിൽ പോകുമ്പോൾ റോഡിലെ വെള്ളം ദേഹത്ത് തെറിച്ചതിനെ തുടർന്നുണ്ടായ വാക്കേറ്റത്തിനിടയിൽ ഫുഡ് ഡെലിവറി ജോലി ചെയ്യുന്ന യുവാവിനെ കത്തികൊണ്ട് ആക്രമിച്ചു പരിക്കേൽപ്പിച്ച കേസിൽ രണ്ടുപേർ പിടിയിൽ. മരുതയൂർ സ്വദേശികളായ അമ്പാടി യഥുകൃഷ്ണൻ (22), പുതുവീട്ടിൽ അൽത്താഫ് (22) എന്നിവരെയാണ് പാവറട്ടി പോലീസ് സ്റ്റേഷൻ ഇൻസ്പെക്ടർ കെ.ജി കൃഷ്ണകുമാറിൻ്റെ നേതൃത്ത്വത്തിലുള്ള പോലീസ് സംഘം അറസ്റ്റ് ചെയ്തത്. ഫുഡ് ഡെലിവറി ജോലി ചെയ്യുന്ന അകലാട് സ്വദേശി മുഹമ്മദ് ആദിലിനെയാണ് ഇവർ ആക്രമിച്ച് പരിക്കേൽപ്പിച്ചത്. വെള്ളിയാഴ്ച വൈകിട്ട് ആറുമണിയോടെയായിരുന്നു സംഭവം. പരിക്കേറ്റ ആദിലിനെ ആദ്യം പാവറട്ടയിലെ സ്വകാര്യ ആശുപത്രിയിലും പിന്നീട് കുന്നംകുളത്തെ സ്വകാര്യ ആശുപത്രിയിലും പ്രവേശിപ്പിച്ചിരുന്നു. പ്രതികളെ കോടതിയിൽ ഹാജരാക്കി റിമാൻ്റ് ചെയ്തു. എസ്.ഐമാരായ ഡി വൈശാഖ്, ഐ.ബി സജീവ്, എ.എസ്.ഐ നന്ദകുമാർ, സി.പി.ഒ മാരായ ജയകൃഷ്ണ‌ൻ പ്രവീൺ എന്നിവരും പ്രതികളെ പിടികൂടിയ സംഘത്തിൽ ഉണ്ടായിരുന്നു.
ചാവക്കാട് ഉപജില്ലാ സ്കൂൾ കലോത്സവം
