ഗുരുവായൂർ: ശ്രീ മാനവേദ സുവർണ്ണ പുരസ്ക്കാരം നേടിയ ഗുരുവായൂർ ദേവസ്വം കൃഷ്ണനാട്ടം ചുട്ടിയാശാൻ ഇ. രാജുവിന് ഗുരുവായൂർ ഗീതാഗോവിന്ദം ട്രസ്റ്റിന്റെ ആഭിമുഖ്യത്തിൽ സ്നേഹാദരം നൽകി. മമ്മിയൂർ അഷ്ടപതി പഠന കേന്ദ്രത്തിൽ നടന്ന അനുമോദന സദസ്സ് നടൻ ശിവജി ഗുരുവായൂർ ഉദ്ഘാടനം ചെയ്തു. പുരസ്ക്കാര ജേതാവിന് ഉപഹാര സമർപ്പണവും നടത്തി. ദേവസ്വം അഷ്ടപദി അദ്ധ്യാപകൻ ജ്യോതിദാസ് കൂടത്തിങ്കൽ അദ്ധ്യക്ഷത വഹിച്ചു. വിവിധ ക്ഷേത്ര, സംഘടന പ്രതിനിധികളായ ശശി വാറണാട്ട്, പ്രഭാകരൻ മണ്ണൂർ, ബാലൻ വാറണാട്ട്, പാനൂർ ദിവാകരൻ, വിബീഷ് ഗുരുവായൂർ, വി.ബാലകൃഷ്ണൻ നായർ, രാജീവ് കൊളാടി എന്നിവർ സംസാരിച്ചു. സി ഹരികൃഷ്ണൻ, ജി.പി ഹരികൃഷ്ണൻ എന്നിവരുടെ അഷ്ടപദി ആലാപനത്തോടെയാണ് സദസ്സ് ആരംഭിച്ചത്. തുടർന്ന് പുരസ്ക്കാര ജേതാവ് മറുപടി പ്രസംഗം നടത്തി.
ചാവക്കാട് ഉപജില്ലാ സ്കൂൾ കലോത്സവം
