തൃശൂർ: ദേശീയപാത ആമ്പല്ലൂർ സിഗ്നലില്‍ അഞ്ച് വാഹനങ്ങൾ കൂട്ടിയിടിച്ച് അപകടം. നാല് കാറും ഗുഡ്സ് ഓട്ടോറിക്ഷയുമാണ് അപകടത്തിൽപ്പെട്ടത്. അപകടത്തിൽ ആര്‍ക്കും പരിക്കില്ല. ഇന്ന് രാവിലെ 8.30 ഓടെയായിരുന്നു അപകടം. ചാലക്കുടി ഭാഗത്തേക്ക് പോയിരുന്ന വാഹനങ്ങളാണ് അപകടത്തിൽപ്പെട്ടത്. സിഗ്നലില്‍ നിര്‍ത്തിയിട്ടിരുന്ന കാറിന് പുറകില്‍ നിയന്ത്രണംവിട്ട ഗുഡ്സ് ഓട്ടോറിക്ഷ ഇടിക്കുകയായിരുന്നു. തുടര്‍ന്ന് മുന്‍പില്‍ നിര്‍ത്തിയിട്ടിരുന്ന കാറുകള്‍ ഒന്നിനു പുറകെ ഒന്നായി കൂട്ടിയിടിച്ചു. പുതുക്കാട് പോലീസ് സ്ഥലത്തെത്തി.
