ചാവക്കാട്: ചാവക്കാട് ബ്ലാങ്ങാട് ബീച്ചിൽ സ്ഥാപിച്ച മിനി മാസ്റ്റ് ലൈറ്റുകൾ പ്രകാശിതമായി. സ്വിച്ച് ഓൺ കർമ്മം എൻ.കെ അക്ബർ എം.എൽ.എ നിർവഹിച്ചു. എം.എൽ.എയുടെ പ്രത്യേക ഫണ്ടിൽ നിന്ന് അനുവദിച്ച 3,70,000 രൂപ വിനിയോഗിച്ചാണ് ഇവിടെ മിനി മാസ്റ്റ് ലൈറ്റുകൾ സ്ഥാപിച്ചത്. നഗരസഭ ചെയർപേഴ്സൺ ഷീജ പ്രശാന്ത് അധ്യക്ഷത വഹിച്ചു. നഗരസഭ വൈസ് ചെയർമാൻ കെ.കെ മുബാറക് സ്വാഗതം പറഞ്ഞു. നഗരസഭ അസിസ്റ്റന്റ് എൻജിനീയർ സി.എൽ ടോണി പദ്ധതി വിശദീകരണം നടത്തി. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലിം, ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ ലത്തീഫ്, വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവെ, മുൻ ചെയർമാനും നഗരസഭ കൗൺസിലറുമായ എം.ആർ രാധാകൃഷ്ണൻ എന്നിവർ സംസാരിച്ചു. നഗരസഭ കൗൺസിലർ ഫൈസൽ കാനാമ്പുള്ളി, സി.ഡി.എസ് ചെയർപേഴ്സൺ ജീന രാജീവ്, നഗരസഭ കൗൺസിലർമാർ, പൊതുജനങ്ങൾ, ഡി.റ്റി.പി.സി ഉദ്യോഗസ്ഥർ എന്നിവരും ചടങ്ങിൽ പങ്കെടുത്തു. 23-ാം വാർഡ് കൗൺസിലർ പി.കെ കബീർ നന്ദി പറഞ്ഞു.
ചാവക്കാട് ഉപജില്ല സ്കൂൾ കലോത്സവം; മൂന്നാം ദിനം അരങ്ങേറിയ മത്സരങ്ങൾ കാണാം
