കുന്നംകുളം: ചൂണ്ടലിൽ കെ.എസ്.ആർ.ടി.സി ബസ് കാറുകളിൽ ഇടിച്ച് അപകടം. യാത്രികർ പരിക്കേൽക്കാതെ രക്ഷപ്പെട്ടു. ഇന്ന് രാവിലെയായിരുന്നു അപകടം നടന്നത്. തൃശൂരിൽ നിന്ന് കോഴിക്കോട്ടേയ്ക്ക് പോകുകയായിരുന്ന ബസാണ് അപകടത്തിൽപ്പെട്ടത്. ഗുരുവായൂർ ക്ഷേത്ര ദർശനത്തിനായി പോകുകയായിരുന്ന ചേർത്തല സ്വദേശികൾ സഞ്ചരിച്ച കാറിലും കോട്ടക്കലിൽ നിന്ന് തൃശൂരിലേക്ക് പോകുകയായിരുന്ന കുടുംബം സഞ്ചരിച്ച കാറിലുമാണ് ബസ് ഇടിച്ചത്.
