ഏങ്ങണ്ടിയൂർ: ഏങ്ങണ്ടിയൂരിൽ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ജവഹർലാൽ നെഹ്റുവിൻ്റെ 135 -ാം ജന്മദിനാചരണം സംഘടിപ്പിച്ചു. മണ്ഡലം കോൺഗ്രസ് ഓഫീസിന് മുന്നിൽ നെഹ്റു സ്മൃതി മണ്ഡപത്തിൽ പുഷ്പാർച്ചന നടത്തി. തുടർന്ന് നടന്ന അനുസ്മരണ സമ്മേളനം ഡി.സി.സി മെമ്പർ ഇർഷാദ് കെ ചേറ്റുവ ഉദ്ഘാടനം ചെയ്തു. മണ്ഡലം കോൺഗ്രസ് പ്രസിഡൻ്റ് ഉണ്ണികൃഷ്ണൻ കാര്യാട്ട് അദ്ധ്യക്ഷത വഹിച്ചു. പ്രവാസി കോൺഗ്രസ് ബ്ലേക്ക് പ്രസിഡൻ്റ് ഫാറൂക്ക് യാറത്തിങ്കൽ, ഐ.എൻ.ടി.യു.സി ഹാർബർ യൂണിയൻ പ്രസിഡൻ്റ് സി.എ ബൈജു, മത്സ്യ തൊഴിലാളി കോൺഗ്രസ് മണ്ഡലം പ്രസിഡൻ്റ് ഒ.വി സുനിൽ, മണ്ഡലം കോൺഗ്രസ് വൈസ് പ്രസിഡൻ്റ് കെ.പി.ആർ പ്രതീപ്, ലത്തീഫ് കെട്ടുമ്മൽ എന്നിവർ സംസാരിച്ചു.
കോൺഗ്രസ് ഏങ്ങണ്ടിയൂർ മണ്ഡലം കമ്മിറ്റി ജവഹർലാൽ നെഹ്റു ജന്മദിനാചരണം സംഘടിപ്പിച്ചു
