ചാവക്കാട്: ചാവക്കാട് നഗരസഭയിൽ വ്യവസായ വാണിജ്യ വകുപ്പിന്റെ നേതൃത്വത്തിൽ സംരംഭകത്വ ബോധവൽക്കരണ ശില്പശാല സംഘടിപ്പിച്ചു. നഗരസഭ ചെയർപേഴ്സൺ ഷീജ പ്രശാന്ത് ഉദ്ഘാടനം നിർവഹിച്ചു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലിം അധ്യക്ഷത വഹിച്ചു. പൊതുമരാമത്ത് കാര്യ സ്റ്റാൻഡിങ് കമ്മിറ്റി ചെയർമാൻ അഡ്വ. എ.വി മുഹമ്മദ് അൻവർ സ്വാഗതം പറഞ്ഞു. വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവെ, നഗരസഭ കൗൺസിലർ ഫൈസൽ കാനാമ്പുള്ളി എന്നിവർ സംസാരിച്ചു. സംരംഭകർക്ക് ഡിജിറ്റൽ മാർക്കറ്റിങ്ങിന്റെ സാധ്യതയെക്കുറിച്ച് ഡിജിറ്റൽ മാർക്കറ്റിംഗ് ട്രെയിനർ നെഫല നസീറും സംരംഭകർക്കുള്ള പദ്ധതികളെ കുറിച്ച് ആസിയ അസീസു ക്ലാസെടുത്തു. നഗരസഭ വ്യവസായ വകുപ്പ് ഇ.ഡി മാരായ സനിത ആന്റണി, അഞ്ചു സുനിൽ എന്നിവരും നഗരസഭ കൗൺസിലർമാർ, നിരവധി സംരംഭകർ, വ്യവസായ വകുപ്പ് ഉദ്യോഗസ്ഥരും പങ്കെടുത്തു.
