ഗുരുവായൂർ: കോട്ടപ്പടി സെന്റ് ലാസേഴ്സ് ദേവാലയത്തിൽ ജനുവരി 1, 2, 3, 4 തിയ്യതികളിൽ നടക്കുന്ന തിരുനാളിന്റെ മുന്നോടിയായി തിരുനാൾ ഓഫീസ് ഉദ്ഘാടനം ചെയ്തു. രാവിലെ ദിവ്യബലിക്ക് ശേഷം നടന്ന ചടങ്ങിൽ വികാരി റവ. ഫാദർ ഷാജി കൊച്ചുപുരക്കൽ ഉദ്ഘാടനം നിർവ്വഹിച്ചു. തിരുനാളിന്റെ ആദ്യ ഫണ്ട് സമർപ്പണം സിബിൽ ജോസ് തരകൻ നിർവ്വഹിച്ചു. പ്രസുദേന്തി ഫണ്ട് ജെയ്സൺ ജോർജ് നിർവ്വഹിച്ചു. എസ്‌.എൽ മീഡിയ ഒരുക്കിയ തിരുന്നാളിന്റെ ലോഗോ പ്രകാശനം വികാരി നിർവ്വഹിച്ചു. അസിസ്റ്റന്റ് വികാരി എഡ്‌വിൻ ഐനിക്കൽ, ജനറൽ കൺവീനർ വി.കെ ബാബു, ട്രസ്റ്റിമാരായ സി.കെ ഡേവീസ്, കെ.പി പോളി, സെബി താണിക്കൽ, വിവിധ കമ്മിറ്റി കൺവീനർ മാർ, പി.ആർ.ഒ ജോബ് സി ആൻഡ്രൂസ് എന്നിവർ നേതൃത്വം നൽകി.
