കടപ്പുറം: കടപ്പുറം പഞ്ചായത്ത് നാലാം വാർഡിൽ 24-ാം നമ്പർ അംഗൻവാടിയുടെ ചുറ്റുമതിൽ ഉദ്ഘാടനം ചെയ്തു. കടപ്പുറം പഞ്ചായത്ത് പ്രസിഡന്റ് സ്വാലിഹ ഷൗക്കത്ത് ഉദ്ഘാടനം നിർവഹിച്ചു. നാലാം വാർഡ് മെമ്പർ മുഹമ്മദ് നാസിഫ് അധ്യക്ഷത വഹിച്ചു. പഞ്ചായത്ത് 2023-24 വാർഷിക പദ്ധതിയിൽ ഉൾപ്പെടുത്തി ജനറൽ ഫണ്ടിൽ നിന്ന് 2,00,000 രൂപ വകയിരുത്തിയാണ് ചുറ്റുമതിൽ നിർമ്മിച്ചത്. പഞ്ചായത്ത് വൈസ് പ്രസിഡൻറ് മൂക്കൻ കാഞ്ചന, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വി.പി മൻസൂറലി, മെമ്പർമാരായ ടി.ആർ ഇബ്രാഹിം, സുനിത പ്രസാദ്, എ.എൽ.എം എസ്.സി അംഗങ്ങളായ സുബ്രഹ്മണ്യൻ, മുഹമ്മദ് റാഫി, കെ. എൻ മുഹമ്മദ് നാസിഖ്, നാലാം വാർഡ് ആശാവർക്കർ സുലൈഖ തങ്കമണി എന്നിവർ സംസാരിച്ചു. അംഗൻവാടി ടീച്ചർ വിജി സ്വാഗതവും രണ്ടാം വാർഡ് ആശാ വർക്കർ തുളസി നന്ദിയും പറഞ്ഞു.
