തൃശ്ശൂർ: മണ്ണുത്തിയിൽ 95 ഗ്രാം എം.ഡി.എം.എ യുമായി യുവാവ് പിടിയിലായി. കരുവന്നൂർ പൊറത്തിശ്ശേരി സ്വദേശി ഷമീർ (40) ആണ് മണ്ണുത്തി പോലീസിന്റെ പിടിയിലായത്. ബാംഗ്ലൂരിൽ നിന്നും തൃശ്ശൂരിലേക്ക് കൊണ്ടുവന്ന മയക്കുമരുന്നാണ് മണ്ണുത്തിയിൽ വച്ച് പോലീസ് പിടികൂടിയത്. ബാംഗ്ലൂരിൽ നിന്നും ഒരു ലക്ഷം രൂപയ്ക്ക് വാങ്ങി തൃശ്ശൂരിൽ ചില്ലറ വില്പന നടത്തുന്നതിനായി കൊണ്ടുവരിയായിരുന്നു എം.ഡി.എം.എയെന്ന് പ്രതി പോലീസ് ചോദ്യം ചെയ്യലിൽ സമ്മതിച്ചു. പിടിയിലായ ഷമീർ മുൻപും ലഹരി കേസുകളിൽ പ്രതിയാണെന്ന് പോലീസ് പറഞ്ഞു.
