വടക്കാഞ്ചേരി: ചിറ്റണ്ടയിൽ അനധികൃത മണൽ ലോറി തടഞ്ഞതുമായി ബന്ധപ്പെട്ട് ഉണ്ടായ സംഘർഷത്തിനിടെ വിജയൻ എന്നയാളെ ലോറിയിടിച്ച് കൊന്ന കേസിൽ പ്രതി അറസ്റ്റിൽ. 9 വർഷമായി ഒളിവിലായിരുന്ന നിഷാദിനെയാണ് വടക്കാഞ്ചേരി പോലീസ് പിടികൂടിയത്. 2011-ൽ ആയിരുന്നു കേസിനാസ്പദമായ സംഭവം. ചിറ്റണ്ടിൽ വെച്ച് അനധികൃത മണൽ ലോറി തടഞ്ഞതിനെ തുടർന്ന് ഉണ്ടായ സംഘർഷത്തിനിടെയാണ് വിജയൻ കൊല്ലപ്പെട്ടത്. തമിഴ്‌നാട്ടിലെ തിരുപ്പൂർ ചിന്നകരുണൈ പാളയത്ത് നിന്നാണ് ്് വടക്കാഞ്ചേരി പോലീസ് സ്റ്റേഷൻ ഇൻസ്പെക്ടർ റിജിൻ എം തോമസിന്റെ നേതൃത്വത്തിലുള്ള സംഘം പ്രതിയെ പിടികൂടിയത്.
