വാടാനപ്പള്ളി: തൃപ്രയാർ ടി.എസ്.ജി.എ സ്റ്റേഡിയത്തിൽ നടന്ന 45-ാമത് സ്പോർട്സ് കൗൺസിൽ അംഗീകൃത തൃശൂർ ജില്ല കരാത്തെ ചാമ്പ്യൻഷിപ്പിൽ 398 പോയിൻ്റ് നേടി വാടാനപ്പള്ളി ആസ്ഥാനമായി പ്രവർത്തിക്കുന്ന കൈസന്‍ കരാത്തെ അസോസിയേഷൻ ഓവറോൾ ചാമ്പ്യൻമാരായി. കിനോജി ഇൻസ്റ്റിറ്റ്യൂട്ട് ഓഫ് മാർഷൽ ആർട്സ് സ്കൂൾ രണ്ടാം സ്ഥാനവും തൈ ഷോക്കായി സ്കൂൾ ഓഫ് മാർഷൽ ആർട്സ് മൂന്നാം സ്ഥാനവും കരസ്ഥമാക്കി. നാട്ടിക എം.എൽ.എ സി.സി മുകുന്ദൻ ഉദ്ഘാടനം ചെയ്തു. തൃശ്ശൂർ ജില്ലാ സ്പോർട്സ് കൗൺസിൽ പ്രസിഡണ്ട് കെ.ആർ സാംബശിവൻ മത്സരത്തിന്റെ ഒബ്സർവർ ആയിരുന്നു.
