കയ്പമംഗലം: കയ്പമംഗലം പള്ളിനടയിൽ ഇന്നലെ മുതൽ കാണാതായ ഗൃഹനാഥനെ തോട്ടിൽ മരിച്ച നിലയിൽ കണ്ടെത്തി. കയ്പമംഗലം പന്ത്രണ്ടിന് കിഴക്ക് ചാച്ചാജി റോഡിൽ കുറുപ്പംപുരക്കൽ മാമു (89) ആണ് മരിച്ചത്. ഇന്നലെ വൈകീട്ട് അഞ്ച് മണി മുതൽ ഇദ്ദേഹത്തെ കാണാനില്ലായിരുന്നു. തുടർന്ന് ബന്ധുക്കളും നാട്ടുകാരും ചേർന്ന് ഏറെ നേരം അന്വേഷണം നടത്തിയെങ്കിലും വിവരമൊന്നു ലഭിച്ചിരുന്നില്ല. ഇന്ന് രാവിലെ ഏഴരയോടെയാണ് വീടിനടുത്തുള്ള തോട്ടിൽ മരിച്ച നിലയിൽ കണ്ടെത്തിയത്.
