ചാവക്കാട്: പാലക്കാട്, ചേലക്കര ഉപതെരഞ്ഞെടുപ്പ് കോൺഗ്രസ് സ്ഥാനാർത്ഥികളുടെ പ്രചാരണത്തിന് കരുത്തേകാൻ മണത്തല മേഖല കോൺഗ്രസ് കമ്മിറ്റി പ്രവർത്തകരും. ഗുരുവായൂർ ബ്ലോക്ക് കോൺഗ്രസ് ജനറൽ സെക്രട്ടറി അഡ്വ. തേർളി അശോകൻ, പെൻഷനേഴ്സ് കോൺഗ്രസ് മണ്ഡലം പ്രസിഡന്റ് സി.പി കൃഷ്ണൻ മാസ്റ്റർ , മണ്ഡലം കോൺഗ്രസ് ജനറൽ സെക്രട്ടറി അഷറഫ് ബ്ലാങ്ങാട്, കർഷക കോൺഗ്രസ് മണ്ഡലം പ്രസിഡന്റ് അബ്ദുൽ സലാം കൊപ്ര, സേവാദൾ സംസ്ഥാന സെക്രട്ടറി അനിത ശിവൻ, മഹിളാ കോൺഗ്രസ് മണ്ഡലം പ്രസിഡന്റ് ഷൈല നാസർ, മഹിളാ കോൺഗ്രസ് ബ്ലോക്ക് സെക്രട്ടറി റുക്കിയ ഷൗകത്ത്, സക്കീർ ഹുസൈൻ, ഇസ്ഹാഹ് മണത്തല, കെ.എൻ സന്തോഷ് എന്നിവരുടെ നേതൃത്വത്തിലുള്ള സംഘമാണ് പ്രചാരണത്തിനായി യാത്രതിരിച്ചത്. ആദ്യം പാലക്കാട് നിയോജക മണ്ഡലത്തിൽ പ്രചരണം നടത്തുന്ന സംഘം പിന്നീട് ചേലക്കരയിലും കോൺഗ്രസ് സ്ഥാനാർത്ഥികൾക്ക് വേണ്ടി വോട്ട് തേടിയിറങ്ങും.
