കുന്നംകുളം: എരുമപ്പെട്ടി മങ്ങാട് കാറും ഗുഡ്സ് ഓട്ടോറിക്ഷയും കൂട്ടിയിടിച്ച് ഒരാൾക്ക് പരിക്ക്. ഓട്ടോ ഡ്രൈവർ വേലൂർ വെള്ളാറ്റഞ്ഞൂർ കറ്റശ്ശേരി വീട്ടിൽ പ്രഭാകരനാ(53)ണ് പരിക്കേറ്റത്.ഇന്ന് ഉച്ചയോടെയായിരുന്നു അപകടം. ഗുരുവായൂരിൽ നിന്ന് മുള്ളൂർക്കരയിലേക്ക് പോകുകയായിരുന്ന കാർ മറ്റൊരു വാഹനത്തെ മറികടക്കുന്നതിനിടയിൽ എതിരെ വന്നിരുന്ന ഗുഡ്സ് ഓട്ടോയിൽ ഇടിക്കുകയായിരുന്നു. ഇടിയുടെ ആഘാതത്തിൽ ഓട്ടോ തെറിച്ച് വീണ് മറിഞ്ഞു. പരുക്കേറ്റ പ്രഭാകരനെ എരുമപ്പെട്ടി ആക്‌ട്‌സ് പ്രവർത്തകർ മുളങ്കുന്നത്ത്ക്കാവ് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
