കടപ്പുറം: ചാവക്കാട് ഉപജില്ല ശാസ്ത്രോത്സവം സമാപിച്ചു. മമ്മിയൂർ ലിറ്റിൽ ഫ്ലവർ കോൺവെന്റ് ഗേൾസ് ഹയർ സെക്കൻഡറി സ്കൂൾ ഓവറോൾ ജേതാക്കളായി. എൽ.പി വിഭാഗത്തിൽ എസ്.എച്ച്.സി എൽ.പി.എസ് വൈലത്തൂരും യു.പി വിഭാഗത്തിൽ എൽ.എഫ്.സി.യു.പി.എസ് മമ്മിയൂരും ഓവറോൾ നേടി. കടപ്പുറം തൊട്ടാപ്പ് ഫോക്കസ് ഇന്റർനാഷണൽ സ്കൂളിൽ രണ്ടുദിവസങ്ങളിലായി നടന്ന ചാവക്കാട് ഉപജില്ലാ ശാസ്ത്രോത്സവത്തിൻ്റെ സമാപനം ബ്ലോക്ക് പഞ്ചായത്ത് പ്രസിഡന്റ് കെ.ആഷിത ഉദ്ഘാടനം ചെയ്തു. കടപ്പുറം പഞ്ചായത്ത് വൈസ് പ്രസിഡന്റ് കാഞ്ചന മൂക്കൻ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ മിസിരിയ മുസ്താക്കലി, കടപ്പുറം പഞ്ചായത്ത് വികസന സ്റ്റാൻഡിങ് കമ്മിറ്റി ചെയർപേഴ്സൺ ഹസീന താജുദ്ദീൻ, സ്കൂൾ പ്രിൻസിപ്പൽ മുഹമ്മദ് ഷഫീഖ്, ടി.കെ അബ്ദുൽസലാം, പി.വി ഉമ്മർ കുഞ്ഞി, തെക്കരകത്ത് കരീം ഹാജി, സെയ്തു മുഹമ്മദ്, ബിനിത, വിജോ വില്യംസ്, എ.വി കാമിൽ, കെ.ആർ ജയശ്രീ, എ.കെ ജോസ്, ഇ.ജി ജിജി എന്നിവർ സംസാരിച്ചു.
