ഷാര്‍ജ: വനിതാ ടി-20 ലോകകപ്പിൽ ഇന്ത്യയുടെ പ്രാർത്ഥന വിഫലമായി. ന്യൂസിലാൻ്റിനെതിരെയുള്ള മൽസരത്തിൽ പാക്കിസ്ഥാൻ തോൽവിയേറ്റുവാങ്ങിയതോടെ പാക്കിസ്ഥാനും ഇന്ത്യയും സെമി കാണാതെ പുറത്തായി. പാകിസ്താനെ തോൽപ്പിച്ച് ന്യൂസിലൻഡ് സെമി ടിക്കറ്റെടുത്തു. അവസാന ഗ്രൂപ്പ് മത്സരത്തിൽ 54 റണ്‍സിനാണ് ന്യൂസിലന്‍ഡിന്റെ ജയം. പാകിസ്താന് മുമ്പില്‍ 111 റണ്‍സ് വിജയലക്ഷ്യമുയര്‍ത്തിയ ന്യൂസിലന്‍ഡ് 56 റണ്‍സിന് അവരെ എറിഞ്ഞിട്ടു.
പാകിസ്താന് ജയിച്ചാല്‍ ഇന്ത്യയ്ക്ക് സെമി സാധ്യതയുണ്ടായിരുന്നു. എന്നാൽ, പാകിസ്താനെ എറിഞ്ഞിട്ടതോടെ ന്യൂസിലൻഡ് ഓസ്ട്രേലിയയ്ക്കൊപ്പം ഗ്രൂപ്പ് എയിൽനിന്ന് സെമിയിലേക്ക് മുന്നേറി.
ഗ്രൂപ്പ് എയില്‍ നാല് മത്സരങ്ങളില്‍നിന്ന് എട്ട് പോയന്റുമായാണ് ഓസ്‌ട്രേലിയ സെമിയിലെത്തിയത്. കളിച്ച എല്ലാ മത്സരങ്ങളും ടീം വിജയിച്ചു. നാല് മത്സരങ്ങളില്‍നിന്ന് ആറ് പോയന്റോടെ ഗ്രൂപ്പിൽ രണ്ടാമതായാണ് ന്യൂസിലൻഡ് അടുത്ത റൗണ്ടിലെത്തിയത്. രണ്ട് വീതം ജയവും തോല്‍വിയുമായി നാല് പോയന്റുമായി ഇന്ത്യ ഗ്രൂപ്പിൽ മൂന്നാമതാണ്.
