ചാവക്കാട്: യൂത്ത് കോൺഗ്രസ് ഗുരുവായൂർ നിയോജകമണ്ഡലം കമ്മിറ്റിയുടെ നേതൃത്വത്തിൽ ക്വിറ്റിന്ത്യാ ദിനാചരണവും യൂത്ത് കോൺഗ്രസ് സ്ഥാപക ദിനവും ആചരിച്ചു. യൂത്ത് കോൺഗ്രസ്സ് സംസ്ഥാന സെക്രട്ടറി സി.എസ് സൂരജ് ഉദ്ഘാടനം ചെയ്തു. യൂത്ത് കോൺഗ്രസ് നിയോജകമണ്ഡലം പ്രസിഡന്റ് തെബ്ഷീർ മഴുവഞ്ചേരി അധ്യക്ഷത വഹിച്ചു. യൂത്ത് കോൺഗ്രസ്സ് കടപ്പുറം മണ്ഡലം പ്രസിഡന്റ് ജാസിം ചാലിൽ, ചാവക്കാട് മണ്ഡലം പ്രസിഡന്റ് ഷിഹാബ് മണത്തല, നിയോജക മണ്ഡലം സെക്രട്ടറിമാരായ നവീൻ മുണ്ടൻ, വിശാഖ് എന്നിവർ സംസാരിച്ചു. ഷംനു പള്ളത്ത്, ഷിജു മുണ്ടൻ, സാഹിൽ, ഷുഹൈബ്, സൽമാൻ, നിസാം എന്നിവർ നേതൃത്വം നൽകി.
