തൃശൂർ: തൃശൂർ നിന്നും വിവിധ റൂട്ടുകളിൽ നാളെ സ്വകാര്യ ബസ്സുകൾ ഓടില്ല. തൃശ്ശൂരില്‍ നിന്നും കോഴിക്കോട്, കുന്നംകുളം, ഗുരുവായൂര്‍, പാവറട്ടി റൂട്ടിലോടുന്ന ബസ്സുകളിലെ തൊഴിലാളികളാണ് നാളെ തൊഴില്‍ ബഹിഷ്‌കരിക്കുന്നത്. തൃശ്ശൂര്‍-കുറ്റിപ്പുറം സംസ്ഥാന പാതയുടെ ശോചനീയാവസ്ഥയില്‍ പ്രതിഷേധിച്ചാണ് പണിമുടക്കെന്ന് ബസ് തൊഴിലാളികൾ പറഞ്ഞു.
സർക്കിൾ ലൈവ് ന്യൂസ് – TODAY NEWS HEADLINES (16-7-2024)
കുഴിയടയ്ക്കൽ എന്നുപറഞ്ഞ് കുറച്ച് കോൺക്രീറ്റ് മിശ്രിതം വെള്ളം നിറഞ്ഞ കുഴികളിൽ കൊണ്ടിടുന്ന ചടങ്ങ് മാത്രമാണ് നടന്നത്. ഇപ്പോൾ നേരത്തെ ഉണ്ടായതിനേക്കാൾ വലിയ കുഴികളാണ് തൃശൂർ – കുന്നംകുളം റൂട്ടിൽ രൂപപ്പെട്ടിട്ടുള്ളത്. മഴ കനത്തതോടെ ഇതുവഴിയുള്ള യാത്രയും ദുഷ്കരമായി. ചൂണ്ടലിൽ നിന്നും കൈപ്പറമ്പിലേക്ക് രാവിലെ 10 മണിക്ക് ബസ് ജീവനക്കാരുടെ പ്രതിഷേധ ജാഥയും നാളെ ഉണ്ടാകും.
