ഗുരുവായൂർ: മികച്ച പ്രവർത്തനം കാഴ്ചവെക്കുന്ന നഗരസഭക്കുള്ള സംസ്ഥാന സർക്കാരിൻ്റെ സ്വരാജ് ട്രോഫി പുരസ്കാരം നേടിയ ഗുരുവായൂർ നഗരസഭയെ കേരള ഹോട്ടൽ ആൻ്റ് റസ്റ്റോറൻ്റ് അസ്സോസിയേഷൻ ഗുരുവായൂർ യൂണിറ്റ് വനിതാ വിംഗ് യോഗം അഭിനന്ദിച്ചു.
വനിതാ വിംഗ് ഔദ്യോഗിക ഉദ്ഘാടനം വനിതാ ദിനത്തോടനുബന്ധിച്ച് മാർച്ച് 10 ന് വിവിധ പരിപാടികളോടെ നടത്താൻ യോഗം തീരുമാനിച്ചു. പ്രസിഡണ്ട് പ്രേമ പ്രകാശ് അദ്ധ്യക്ഷത വഹിച്ചു. സംസ്ഥാന വർക്കിങ്ങ് പ്രസിഡണ്ട് സി ബിജുലാൽ വനിതാ വിംഗിൻ്റെ പ്രവർത്തന ലക്ഷ്യങ്ങൾ വിശദീകരിച്ചു. യൂനിറ്റ് പ്രസിഡണ്ട് ഒ.കെ.ആർ മണികണ്ഠൻ, എൻ.കെ രാമകൃഷ്ണൻ, റോഷ്നി ബിജുലാൽ, അനിത രാമകൃഷ്ണൻ, ജിഷ രാജേഷ്, രുഗ്മിണി, ഷമീറ ഷാഫി, പ്രസന്ന രവീന്ദ്രൻ, രാഖി ജോഷി, കാവ്യ രാജു, സുവർണ്ണ ഷിജോ, വിദ്യ ബിമിത്, എന്നിവർ സംസാരിച്ചു.
