ചാവക്കാട്: കടപ്പുറം വട്ടേക്കാട് യുവാക്കൾ തമ്മിൽ തർക്കത്തെ തുടർന്ന് ഒരാൾക്ക് കുത്തേറ്റു. വട്ടേകാട് പുതു വീട്ടിൽ തിരുത്തിയിൽ ഹമീദിന്റെ മകൻ വാഹിദി (35)നാണ് കുത്തേറ്റത്. ഇന്ന് രാത്രി 8 മണിയോടെയായിരുന്നു സംഭവം. വാഹിദും നാട്ടുകാരനായ യുവാവുമായി തർക്കം നില നിന്നിരുന്നു. ഇതു സംബന്ധിച്ച വാക്കുതർക്കമാണ് കത്തികുത്തിൽ കലാശിച്ചത്. കൈതണ്ടയിൽ കുത്തേറ്റ വാഹിദിനെ ഹയാത്ത് ആശുപത്രിയിൽ പ്രവേശിപ്പിച്ചു.
