പുന്നയൂർക്കുളം: തിരുവല്ലയിൽ വീട്ടിലെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തിയ പ്ലസ് ടു വിദ്യാർഥിനിയെ മുൻപ്‌ പീഡിപ്പിച്ച കേസിൽ യുവാവ് അറസ്റ്റിലായി. പുന്നയൂർക്കുളം അണ്ടത്തോട് തേൻപറമ്പിൽ ടി.എൻ.പ്രവീൺ (19) ആണ് അറസ്റ്റിലായത്. അച്ഛന്റെ ഇൻസ്‌റ്റഗ്രാം അക്കൗണ്ടുവഴിയാണ് പെൺകുട്ടിയുമായി പ്രവീൺ സൗഹൃദത്തിലാകുന്നത്. ഇരുവർക്കും വിവാഹിതരാകണമെന്നകാര്യം പെൺകുട്ടി വീട്ടിൽ പറഞ്ഞെങ്കിലും എതിർപ്പുകളുണ്ടായി. കഴിഞ്ഞ ദിവസമാണ് വിദ്യാർഥിനിയെ തൂങ്ങിമരിച്ച നിലയിൽ കണ്ടെത്തിയത്. ശാസ്ത്രീയപരിശോധനയിലാണ് പീഡനവിവരം അറിഞ്ഞതെന്ന് ഡിവൈ.എസ്.പി പറഞ്ഞു. പോക്‌സോ കേസ് ചുമത്തിയ പ്രവീണിനെ റിമാൻഡ് ചെയ്തു.
തൂങ്ങിമരിച്ച നിലയിൽ കണ്ടെത്തിയ പ്ലസ് ടു വിദ്യാർഥിനിയെ മുൻപ്‌ പീഡിപ്പിച്ചു; അണ്ടത്തോട് സ്വദേശി അറസ്റ്റിൽ
