കടപ്പുറം: ഓണാഘോഷങ്ങളുടെ ഭാഗമായി കടപ്പുറം ആറങ്ങാടി അംഗൻവാടിയിലേക്ക് പൂർവ്വ വിദ്യാർത്ഥികളുടെ നേതൃത്വത്തിൽ കിച്ചൻ ഉപകരണങ്ങളും കളിപ്പാട്ടങ്ങളും നൽകി. പൂർവ്വ വിദ്യാർത്ഥികളായ ബി-കോം രണ്ടാംവർഷ വിദ്യാർഥി പി.സി സജാദ്, പ്ലസ് വൺ വിദ്യാർത്ഥിനി സാലിഹ എന്നിവരാണ് കിച്ചൻ ഉപകരണങ്ങളും കളിപ്പാട്ടങ്ങളും നൽകിയത്. വാർഡ് മെമ്പർ ഇബ്രാഹിം ഉപകരണങ്ങൾ ഏറ്റുവാങ്ങി. അംഗൻവാടിയിൽ നടന്ന ചടങ്ങിൽ രക്ഷിതാക്കൾ, എ.എൽ.എം.സി കമ്മിറ്റി അംഗങ്ങൾ, ക്ലബ്ബ് അംഗങ്ങൾ തുടങ്ങിയവർ പങ്കെടുത്തു.
