കടപ്പുറം: എസ്.എസ്.എൽ.സി പരീക്ഷയിൽ മുഴുവൻ വിഷയങ്ങളിലും എ പ്ലസ് നേടിയ ഷെബന, റെഫീദ എന്നീ വിദ്യാർത്ഥികളെ സി.പി.എം ലൈറ്റ് ഹൗസ് ബ്രാഞ്ചിന്റെ നേതൃത്വത്തിൽ അനുമോദിച്ചു. എസ്.എസ്.എൽ.സി പരീക്ഷയിൽ മികച്ച വിജയം കരസ്ഥമാക്കിയ കടപ്പുറം പഞ്ചായത്ത് പതിനഞ്ചാം വാർഡിലെ മുഴുവൻ വിദ്യാർത്ഥികൾക്കും ഇതോടൊപ്പം അനുമോദനം നൽകി. സി.പി.എം ലൈറ്റ് ഹൗസ് ബ്രാഞ്ച് സെക്രട്ടറി എൻ.എം ലത്തീഫ്, എം.എസ് നൗഫൽ, രജിത രവീന്ദ്രൻ, കലാം, പി.എം റഹീം എന്നിവർ പങ്കെടുത്തു.
