ചാവക്കാട്: ചാവക്കാട് പ്രാഥമിക കാർഷിക വികസന ബാങ്ക് ഡയറക്ടർമാരായി തെരഞ്ഞെടുക്കപ്പെട്ട ഐ.എൻ.ടി.യു.സി നേതാക്കൾക്ക് ഇന്ന് സ്വീകരണം നൽകി. ഐ.എൻ.ടി.യു.സി ജില്ലാ സെക്രട്ടറി എം.എസ് ശിവദാസൻ, റീജണൽ ഭാരവാഹി സി.ആർ മനോജ് എന്നിവർക്കാണ് ഐ.എൻ.ടി യു സി ഗുരുവായൂർ റീജണൽ കമ്മിറ്റിയുടെ നേതൃത്വത്തിൽ സ്വീകരണം നൽകിയത്. റീജിയണൽ പ്രസിഡന്റ് വി.കെ വിമൽ ഷാൾ അണിയിച്ചു. ചടങ്ങിൽ ഐ.എൻ.ടി.യു.സി റീജിയണൽ ഭാരവാഹികളായ സി.കെ സത്യൻ, എ.കെ മുഹമ്മദാലി, ആർ.വി ഹൈദർ, ഐ.എൻ.ടി.യു.സി മണ്ഡലം പ്രസിഡന്റുമാരായ മോഹനൻ മമ്പറമ്പത്ത്, ഗോപി മനയത്ത്, പി.ടി ഷൗക്കത്തലി, കെ.എസ് ലിനീഷ്, പി.പി നൗഷാദ്, പി.എ നാസർ, വി.എസ് സനീഷ് എന്നിവർ സംസാരിച്ചു.
