വടക്കേക്കാട്: രേഖകളില്ലാത്ത പണം കൈവശം വച്ചതിന് യുവാവിനെതിരെ വടക്കേക്കാട് പോലീസ് കേസെടുത്തു. രാമനാട്ടുകര സ്വദേശിക്കെതിരെയാണ് കേസ്. പുന്നയൂര്‍ക്കുളം ആല്‍ത്തറയില്‍ നാലപ്പാട്ട് റോഡില്‍ ഇന്ന് പുലര്‍ച്ചെ പെട്രോളിങ്ങ് ഡ്യൂട്ടിയിലുണ്ടായിരുന്ന ഗ്രേഡ് എസ്.ഐ അനില്‍കുമാറാണ് റോഡരുകിൽ കിടക്കുകയായിരുന്ന കാര്‍ പരിശോധന നടത്തിയത്. കാറിലുണ്ടായിരുന്ന രാമനാട്ടുകര സ്വദേശിയെ ചോദ്യം ചെയ്തപ്പോള്‍ പെട്രോള്‍ തീര്‍ന്ന് നില്‍ക്കുകയാണെന്നാണ് മറുപടി പറഞ്ഞു. തുടര്‍ന്ന് കാര്‍ പരിശോധിച്ചപ്പോഴാണ് കാറിന്റെ ഡാഷ് ബോര്‍ഡില്‍ നിന്നും 4.25 ലക്ഷം രൂപ പോലീസ് കണ്ടെടുത്തത്. പണത്തിന് രേഖകള്‍ ഒന്നും കൈവശമില്ലാത്തതിനാല്‍ കാറും പണവും പോലീസ് കസ്റ്റഡിയിലെടുത്തു.
രേഖകളില്ലാത്ത പണം കൈവശം വച്ചതിന് യുവാവിനെതിരെ വടക്കേക്കാട് പോലീസ് കേസെടുത്തു; 4.25 ലക്ഷം രൂപയും കാറും കസ്റ്റഡിയിലെടുത്തു
