എങ്ങണ്ടിയൂർ: ചേറ്റുവയിൽ വൻ വിദേശ മദ്യവേട്ട. കാറിൽ കടത്തിയിരുന്ന 300 കുപ്പി മദ്യമാണ് പോലീസ് പിടികൂടിയത്. എറണാകുളം സ്വദേശി അറസ്റ്റിലായി. കളമശേരി ചങ്ങമ്പുഴ നഗർ സ്വദേശി ചൂരൽ വീട്ടിൽ ജേക്കബ്(37) ആണ് പിടിയിലായത്.
തൃശൂർ റൂറൽ ജില്ലാ പോലീസ് മേധാവി ജി പൂങ്കുഴലിയുടെ നിർദ്ദേശപ്രകാരം കൊടുങ്ങല്ലൂർ ഡി.വൈ.എസ്.പി സലീഷ് എൻ ശങ്കറിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
