പുന്നയൂർക്കുളം: നീറ്റ് പരീക്ഷയിൽ ഉന്നത വിജയം നേടിയ മന്ദലാംകുന്ന് ഷാനമോളെ ഗ്രാമസ്വരം സാംസ്‌കാരിക സമിതി അനുമോദിച്ചു. വടക്കേക്കാട് എസ്.എച്ച്.ഒ. സുരേന്ദ്രൻ ഉപഹാരം നൽകി അനുമോദിച്ചു.
അഖിലേന്ത്യ പ്രവേശനപരീക്ഷയിൽ 824ആം റാങ്കാണ് ഷാനമോൾ കരസ്ഥമാക്കിയത്.
മന്ദലാംകുന്ന് കിണർ പൊള്ളകായിൽ അഷറഫ്-ആയിഷ ദമ്പതികളുടെ മകളാണ് ഷാനമോൾ. അനുമോദന പരിപാടിയിൽ സമിതി പ്രസിഡന്റ്‌ ആർ.കെ.ഹാരിസ് അധ്യക്ഷത വഹിച്ചു. സെക്രട്ടറി സാബിത്ത്, സമിതി സീനിയർ മെമ്പർമാരായ പി.കെ.സക്കരിയ, സൈനുൽ ആബിദ്, റൗഫ്, എം.എം.സിറാജ്, എം.എം. മുബഷിർ, ടി.എം.ഷൗക്കത്ത്. ടി.എം എന്നിവർ സംബന്ധിച്ചു.
നീറ്റ് പരീക്ഷയിൽ ഉന്നത വിജയം നേടിയ ഷാനമോളെ ഗ്രാമസ്വരം അനുമോദിച്ചു
