ഗുരുവായൂർ: ‘തിരുനബി (സ) ജീവിതം സമഗ്രം സമ്പൂർണം’ എന്ന ശീർഷകത്തിൽ റബീഉൽ അവ്വൽ 1 മുതൽ റബീഉൽ ആഖിർ 11 വരെ നീണ്ടുനിൽക്കുന്ന 41 ദിവസത്തെ റബീഅന്നൂർ പരിപാടിക്ക് റബീഉൽ അവ്വൽ ഒന്നിന് എസ്. കെ.എസ്.എസ്.എഫ്.സി.സി & എസ്.കെ. എസ്.എസ്.എഫ്.സി.എം.സി എന്നീ യൂട്യൂബ് ചാനലിൽ തുടക്കമാകും. എസ്.കെ.എസ്.എസ്.എഫ് ചൊവ്വല്ലൂർ പടി ക്ലസ്റ്ററും യു.എ.ഇ എസ്.കെ.എസ്.എസ്.എഫ് സി.എം.സിയും സംയുക്തമായി സംഘടിപ്പിക്കുന്ന റബീഅന്നൂർ ഉദ്ഘടന സംഗമം പാണക്കാട് അബ്ബാസലി ശിഹാബ് തങ്ങൾ ഉദ്ഘടനം ചെയ്യും. ശൈഖുന അബ്ദുൽ ഖാദർ മുസ്‌ലിയാർ പ്രാർത്ഥന നിർവഹിക്കുന്ന സദസ്സിൽ സിംസാറുൽ ഹഖ് മുഖ്യ പ്രഭാഷണം നടത്തും അബ്ദുൽ ഖാദർ ദാരിമി അബ്ദുൽ സലാം ദാരിമി ഇസ്മായിൽ റഹ്മാനി സഫ്‌വാൻ റഹ്മാനി തുടങ്ങി മഹല്ല് ഖത്തീബ് മാർ സംബന്ധിക്കും തുടർന്നുള്ള 40 ദിവസങ്ങളിൽ ഇന്ത്യൻ സമയം 8.30നും യു.എ.ഇ 7.30 നും സംപ്രേഷണം ചെയ്യപ്പെടും .മൗലിദ് പാരായണം, വ്യത്യസ്ത വിഷയങ്ങളിൽ കേരളത്തിനകത്തും പുറത്തുമുള്ള പ്രമുഖ പ്രഭാഷകർ അണിനിരക്കുന്ന പ്രഭാഷണങ്ങൾ, മാദിഹീങ്ങൾ ഒന്നിച്ചു ചേരുന്ന സർഗ സംഗമവും, ക്വിസ് പ്രോഗ്രാമും കൂടിചേർന്ന 4 ഘട്ടങ്ങളിലായിരിക്കും പരിപാടിനടത്തുമെന്ന് സംഘടകർ അറിയിച്ചു.
