സി.പി.ഐ വടക്കേക്കാട് ലോക്കൽ കമ്മിറ്റിയും യുവ കലാ സാഹിതിയും ചേർന്നാണ് ആദരിച്ചചത്
വടക്കേക്കാട്: മലയാള പുരസ്കാര സമിതിയുടെ സംസ്ഥാന വാദ്യ കലാകാര പുരസ്കാരം നേടിയ തിമില വിദ്വാൻ ഉണ്ണി കല്ലൂരിനെ സി.പി.ഐ വടക്കേക്കാട് ലോക്കൽ കമ്മിറ്റിയും യുവ കലാ സാഹിതിയും സംയുക്തമായി ആദരിച്ചു. ഞമനേങ്ങാട് കൊടമന സ്മാരകത്തിൽ നടന്ന ചടങ്ങ് യുവകല സാഹിതി ജില്ല സെക്രട്ടറി ഹനീഫ് കൊച്ചനൂർ ഉദ്ഘാടനം ചെയ്തു.പ്രേംജി സ്മാരക സമിതി ചെയർമാൻ ഉണ്ണികൃഷ്ണൻ, ജനകീയ വികസന സമിതി കൺവീനർ ടി ഭാസ്കരൻ, മാധ്യമ പ്രവർത്തകൻ ഐ.ബി.അബ്ദുറഹ്മാൻ, സി.പി.ഐ ലോക്കൽ സെക്രട്ടറി മനോജ്, സംവിധായകൻ സുജിത്ത് ഹുസൈൻ, ജിതേഷ്ഞ മനേങ്ങാട് എന്നിവർ സംസാരിച്ചു. പ്രദേശത്ത് എസ്.എസ്.എൽ.സി പരീക്ഷയിൽ ഉന്നത വിജയികളായ ആദിത്യ, ജഗന്നാഥ് കെ.ജിതേഷ് എന്നിവരേയും പുരസ്കാരം നൽകി ആദരിച്ചു.
