തിരുവനന്തപുരം: നെയ്യാറ്റിന്‍കരയിലെ വ്യാജവാറ്റ് കേന്ദ്രത്തില്‍ നിന്നും സീരിയല്‍ നടിയും കൊലക്കേസ് പ്രതിയും പിടിയില്‍. വെള്ളറട സ്വദേശി വിശാഖും ചെമ്പൂര്‍ സ്വദേശി സിനിയുമാണ് പിടിയിലായത്. 400 ലിറ്റര്‍ കോടയും വാറ്റുപകരണങ്ങളുമാണ് നെയ്യാറ്റിന്‍കര ആര്യന്‍കോട് നിന്ന് പിടിച്ചെടുത്തത്. പാങ്ങോട് നടന്ന റെയ്ഡില്‍ ആയിരം ലിറ്ററോളം കോടയും എക്‌സൈസ് സംഘം പിടിച്ചെടുത്തു.
രണ്ട് വര്‍ഷം മുമ്പ് ഒറ്റശേഖരമംഗലം സ്വദേശി അരുണിനെ കൊലപ്പെടുത്തിയ കേസിലെ മുഖ്യപ്രതിയായ വിശാഖ്. സീരിയയിലെ ജൂനിയര്‍ ആര്‍ട്ടിസ്റ്റും നാടകനടിയുമാണ് പിടിയിലായ സിനി. ലോക് ഡൗണിനെ തുടര്‍ന്ന് മദ്യശാലകള്‍ അടച്ചതുമുതല്‍ ഇവര്‍ വിവിധ ഇടങ്ങളിലായി ചാരായം വാറ്റിയതായി കണ്ടെത്തിയിട്ടുണ്ട്.
പാങ്ങോട് കാഞ്ചിനടയില്‍ വാമനപുരം എക്‌സൈസ് സംഘം നടത്തിയ തിരച്ചിലിലാണ് 15 ലിറ്റര്‍ ചാരായവും 1100 ലിറ്റര്‍ കോടയും പിടിച്ചെടുത്ത്. രഹസ്യവിവരത്തിന്റെ അടിസ്ഥാനത്തിലായിരുന്നു എക്‌സൈസ് സംഘത്തിന്റെ പരിശോധന.
വ്യാജവാറ്റ്: സീരിയല്‍ നടിയും കൊലക്കേസ് പ്രതിയും പിടിയില്‍
